Hasiera / Interkonexio elektrikoa Bizkaiko Golkotik

Interkonexio elektrikoa Bizkaiko Golkotik

5.000 MW arte igotzea

TRUKATZEKO AHALMENA

400 km-ko

LUZERA DUEN INTERKONEXIOA

4 kable

2 LOTURA BAKOITZEKO

2 x 1.000 MW

GARRAIO-AHALMENA

Gatika (Espainia) eta Cubnezais (Frantzia) arteko interkonexio elektrikoa Espainia eta Frantzia artean lehen interkonexioa izango da, nagusiki itsaspean egiten dena.

Proiektu honi esker, trukatzeko ahalmena 2.800 MW-tik 5.000 MW-ra pasako da, ondorioz, bi herrialdeen artean, bai eta Europako beste herrialdeekin ere, hornikuntza elektrikoaren segurtasuna, egonkortasuna eta kalitatea hobetuz.

Iconografía

Parte-hartze publikoa

Estatu bakoitzak azpiegitura elektrikoen arloan ezarri dituen prozedura propioak jarraituz bideratu eta baimenduko du proiektua. Araudiaren arabera herrialde bakoitzean aurreikusten diren kontsultez gain, Interes Orokorreko Proiektu oro egiteko, Frantziak eta Espainiak informazio eta parte-hartze publikoa bermatu behar dituzte europar eskakizunekin bat eginez. Ekintza horiek modu desberdinetan egin daitezke baina, gutxienez, proiektuari eskainitako webgune bat diseinatu behar da, bilera publikoak egin behar dira eta iruzkinak jasotzeaz edota edozein galdera mota erantzuteaz arduratzen den erakunde bat sortu behar da. Horrela, biztanleek proiektua gauzatzeko modalitate teknikoak eta trazadurak definitzeko etapa desberdinetan parte hartu ahalko dute. Kontsulta eta informazio publikoko faseetan, hainbat trazadura proposatuko dira, egokiena ingurumen-inpaktu txikiena duena izango delarik.
 
 

Informazio hau soilik frantsesez dago eskuragarri. Mesedez, proiektuaren frantsesezko bertsioa kontsultatu.


Jakinarazpen publikoko prozesuak burutzen ari diren bitartean, aipatutako partaidetza publikoko fasean zehar sortu ziren zenbait ekarpen jasotzen dituen azken proposamenaren berri emango da. Horren esparruan herritarrek informazioa jasotzeko eta elkarrizketa sustatzeko hainbat bide izango dituzte.

Horretarako, datorren maiatzaren 6an bilera birtual publiko bat antolatuko da webinar baten bitartez; interesdun guztiek parte hartu ahal izango dute aldez aurretik izena emanez gero.

Gainera, guztion eskura jarraitzen du proiektuaren postontziak: golfodebizkaia@inelfe.eu

 

Proiektuari buruzko dokumentazioa eta beste ekitaldi garrantzitsu batzuk

Bizkaiko Golkoan zehar igaroko den interkonexio elektrikoko proiektuaren aurrerapenak 2020ko azaroaren 4an eta 5ean ospatu zen UHINAK Klima Aldaketa eta Itsasertzari buruzko Mugaz gaindiko IV. Kongresuan aurkeztu ziren. Azken aldaketak eta bidean zeuden ingurumeneko ikerketen emaitzak erakutsi ziren ere bai. UHINAK kongresuak estatuko eta nazioarteko adituak bildu zituen Irunen, datozen urteetan klima-aldaketak izango dituen ondorioen aurrean gure kostaldeak prestatzeko burutu behar diren ekintzak ikuspegi gogotsu batetik aztertzeko.

 

Bizkaiko Golkoan zehar igaroko den interkonexio elektrikoa lau dokumentu teknikoek osatzen dute eta horiek, ingurumenaren gaineko eraginaren ikerketarekin batera, jakinarazpen publikoko zenbait aldi pasatu behar izango dituzte datozen hilabeteetan. Orduan, herritarrek parte hartu ahal izango dute era aktiboan eta, dagokionean, egokiak diren arrazoibideak aurkeztu ahal izango dituzte, energia-instalazioen garraioko, banaketako, merkaturatzeko eta hornidurako jarduerak eta baimentze-prozedurak arautzen dituen abenduaren 1eko 1955/2000 Errege Dekretuak eta ingurumen-ebaluazioari buruzko abenduaren 9ko 21/2013 Legeak ezartzen dutenaren arabera.

Lehenengo fasean, aurreproiektuan aipatutako instalazioak, ingurumenaren gaineko eraginaren ikerketa pasatu dutenak, bideratuko dira. Horri esker, instalazioen ezarpena eta eraginik txikiena izango duen ibilbidea hobeto zehaztu ahal izango dira. Horretarako, espedientean ager daitezkeen administrazioek, elkarteek eta partikularrek egindako ekarpenak izango dira kontuan, baita dagokion ingurumen-organoak etorkizuneko ingurumenaren gaineko eraginaren aitorpenaren bidez egiten dituen argibideak ere.

Bere garaian egin zen partaidetza publikoko prozesuaren esparruan, aurreikusitako instalazioaren edukiaren berri eman zen, eta horretan interesa zeukatenei, administrazioei eta erakunde ekonomiko eta sozialei parte hartzera gonbidatu zitzaien, aurkeztutako kontu guztiei erantzuteko nahian.

Partaidetza aurrez aurre, jardunaldi batzuetan zehar, zein Gatika, Maruri-Jatabe, Lemoiz, Bakio, Mungia eta Laukizeko Udaletan eta Bizkaiko Gobernuaren Ordezkariordetzan kokatutako postontzietan utzi ziren adierazpenak jasoz gauzatu zen.

Horrez gain, adierazpen gehiago jaso ziren golfodebizkaia@inelfe.eu helbide elektronikoan www.inelfe.eu/proyectos/golfo-de-bizkaia webgunean.

 
Partaidetza publikoa pertsonek haien ikuspuntuak, ezaguera eta baliabideak eskaintzeko prozesua da, erabakiak hartzean parte hartu ahal izateko. Partaidetza publikoa Europako Parlamentuko eta Batzordeko 2013ko apirilaren 17ko 347/2013 Europar Batasuneko Arautegian ezartzen denaren barruan sartzen da. Izan ere, proiektuaren informazioa publikoki zabaltzera eta horri buruz edozein elkartek, herritarrak, eta eragile ekonomiko eta sozialak egiten dituen ekarpenak jasotzera zuzenduta dago. Partaidetza publikoko prozesuak erabiltzeko helburuak honako hauek dira:
  • Biztanleen ingurumenari eta gizarteari buruzko iritziak gehitu proiektuaren hasierako fasetik.
  • Erabaki garrantzitsurik interesdunei ezta ukitutako administrazio publikoei kontsultatu gabe hartzen ez dela bermatu.
  • Proiektuari buruzko informazio garrantzitsua eskuragai jarri, herritar guztiek erraz ulertzeko moduan (hau da, teknizismorik erabili gabe).
  • Parte hartzeko eskubidearen eta eskubide hori erabiltzeko bideen berri eman.
  • Partaidetza Publikoko Kontzeptuzko Planean parte har dezaketen interesdun eta ukitutako administrazio publiko guztiak identifikatu.
  • Biztanleen eta fase eta sail bakoitzeko arduradunen eta adituen artean zuzenean komunikatzeko bide bat ezarri, ohiz kanpoko konplexutasuna duen proiektuaren esparruan.
  • Herritarrak erabakiak hartzeko prozesuaren hasieratik, eta etengabe, barne hartu, proiektuaren informazioari dagokion ulermena erraztuz, proiektua abian jartzeko beharra argi eta garbi azalduz, eta proiektuaren fase bakoitzean nagusitu behar diren gaiak zehaztuz. Ekintzak biztanleria osorako ulergarria eta ulerterraza den hizkeran gauzatu behar dira, ingurumenaren, gizartearen eta paisaiaren aldagaiak nola hartu diren kontuan azpimarratuz.
  • Interesdunei buruzko informazio erabilgarria lortu.
  • Hartu den erabakia eta herritarren ekarpena nola gehitu den arrazoitu.
 

Informazio gehiago:

  • Proiektuaren bideoak

Ingurumeneko jardunaldia - Bizkaiko Golkoa proiektuaren aurkezpena, 2017ko abenduaren 14a (Gaztelaniazko bertsioa)

Bizkaiko Golkoan zehar igaroko den interkonexioari buruzko proiektua aurkezteko topaketa teknikoa, 2017ko azaroaren 15a (Gaztelaniazko bertsioa)

Etorkizunean Bizkaiko Golkoan zehar igaroko den interkonexioa aurkeztu genien Euskal Herriko Unibertsitateko Ingeniaritza Eskolako ikasleei, 2017ko abenduaren 13a (Gaztelaniazko bertsioa)

 

Proiektuaren arduradunak

Juan Prieto
Proiektuaren arduraduna Espainian

Antonio Miranda
Hitzartze-prozesuaren arduraduna Espainian

Zalantzak dituzu? Jar zaitez gurekin harremanetan

Proiekturen gaineko informazio eskatu edo, besterik gabe, nahi dituzun galderak bidali ditzakezu

Proiektuaren liburuxka

Deskargatu proiektuaren gaineko xehetasun guztiak

Bizkaiko Golkoko proiektuaren liburuxka (2020 Abuztu)
Deskargatu 2.03 MB

Trazadura

Interkonexioa lau kablek osatzen dute, bi lotura bakoitzeko. Korronte zuzeneko itsaspeko eta lurpeko lotura bikoitz honek 400 kilometroko luzera izango du Cubnezaiseko azpiestazioaren (Bordeletik gertu) eta Gatikako azpiestazioaren (Bilbotik gertu) artean. Bi transformazio-estazio izango ditu, bat loturaren mutur bakoitzean, korronte zuzena korronte alterno bihurtzea ahalbidetuko dutenak, herrialde bakoitzeko elektrizitatea garraiatzeko sarera konektatzeko.

Itsaspeko lotura

Lotura Gatikako azpiestazio elektrikoarekin (Bilbo inguruan) eta Cubnezaiseko azpiestazioarekin (Bordeleren iparraldean) konektatuko da. Itsaspeko trazadurak 300 km inguruko luzera izango du, euskal kostaldetik Frantziako Médoc eskualdeko kostalderaino.
Hautatu den trazadurari eta kablea itsas hondoan jartzeko erabakiari esker, itsasoko erabileretan eta, bereziki, arrantzan aurreikus daitekeen inpaktua minimizatuko da.

Itsaspeko linea

Itsaspeko kablea

Kable bakoitza itsas hondoan ezarriko da kablea daraman ontzi baten laguntzarekin. Oro har, babes-neurri gisa, kableak lurperatu egingo dira, zorua gogorregia denean izan ezik; halakoetan, kableak estali egingo dira.

Aireko/lurpeko lotura

Interkonexioa Bilboren ipar-ekialdean, euskal kostaldetik 10 km-ra dagoen Gatikako azpiestazioarekin, konektatuko da. Gatikako transformazio-estazioaren eta Urbieta-Lemoiz aldean kokatutako puntu baten artean itsaspeko kableak instalatuko dira. Aipatutako transformazio-estazioa gaur egungo Gatikako azpiestazioaren ondoan eraikiko da, eta Urbieta-Lemoizen lur-itsaso konexioa egingo da.
Espainiako prozeduraren arabera, ingurumen eraginari buruzko azterlan bat aurkeztuko da, honako hauek bilduko dituena: lurralde- eta ingurumendiagnostikoa, estaziorako beste aukera batzuk, aukeratutako proiektuaren kokapena eta ezaugarriak (eragin txikiena duen aukera), eraginaren azterketa, eta prebentziozko eta zuzentzeko neurrien proposamenak, aita ingurumenaren jarraipena egiteko plana ere.

Espainiako euskal kostatik Médoc-eko kosta frantsesera 300 km inguruko luzerarekin, konexioak funtsean itsaspekoak izango dira, Capbreton-go arroila saihesteko lurpeko zati labur bat izan ezik.

Lotura Bordeleren iparraldean dagoen Cubnezaiseko azpiestazio elektrikoarekin konektatuko da. Hala, lurpeko loturek 80 kilomet-ro egin beharko dituzte: Dordoina ibaiaren eskuineko itsasertzetik hasi, Dordoinaren eta Garonaren azpitik pasatu, eta Médoc eskualdea zeharkatuko dituzte Akitaniako itsasertzera iritsi arte, Porge komunan; betiere ingurumena etagiza jarduerak errespetatuz.

Trazadura guztiz lurpekoa izango da, eta ingurumena eta giza jarduerak errespetatuko ditu, lehendik dauden azpiegituretan eta, bereziki, baso-pisten sarean oinarrituta.

 

Lurpeko kablea

Lurpeko kablea

Zanga: Zanga bakoitzean bi kable jarriko dira, bi zangen artean metro 1eko gutxieneko distantzia utzita. Lanak bukatutakoan, zangak estaldura baten bidez ezkutatuko dira.

Loturak: Lurpeko kableak, gutxi gorabehera, kilometro 1eko zatitan instalatuko dira lotura-ganberetan elkartuko dira. Itsaspeko kableak lurpekoekin konektatzeko antzeko gailu bat, zertxobait handiagoa, erabiliko da. Gailu horiek itsasertzetik urrun kokatuko dira eta, azkenean, guztiz ezkutatu kodira arte estalita egingo dira, ez baitira etengabe erabili behar.

 

Transformazio-estazioa

Loturak korronte alternoko bi sistema interkonektatuko ditu korronte zuzeneko itsaspeko linea baten bidez. Loturaren mutur bakoitzean, transformazio-estazioek korronte zuzena korronte alterno bihurtuko dute, Espainia eta Frantziako garraio-sareekin konektatzeko asmoz.

Transformazio-estazioek 5 hektarea inguruko hedadura dute eta 20 m-ko altuera, gutxi gorabehera.

Transformazio-estazioa

 

2017 - 2021

Hitzartzea

2019

Arroilaren ezegonkortasuna aurkitu da

2018 - 2021

Ikerketa teknikoak eta ingurumen-ikerketak

2021 - 2023

Baimenak

2023 - 2026

Hornikuntza eta eraikuntza

2026 - 2027

Probak eta abian jarri

Bizkaiko Golkoan zehar igaroko den Espainia eta Frantziaren arteko interkonexio elektrikoaren aurreproiektua bideratzen hasiko da

Aurreproiektuak interesdunek partaidetza publikoko lehenengo fasean aurkeztu zituzten proposamenak hartuko ditu kontuan.
Interkonexio berriak energia berriztagarriaren integrazioa bultzatuko du, sistema elektrikoen eraginkortasuna eta lehiakortasuna handituko ditu, eta bi herrialdeen horniketa elektrikoaren eta Europako sistema elektrikoaren segurtasuna sendotuko du, deskarbonizazioaren eta klima-aldaketaren aurkako borrokaren xedeak lortzeko.

Gehiago irakurri

Bizkaiko Golkoan zehar egingo den loturaren proiektua aurrera doa Capbreton-eko arroilan nagusitutako ezegonkortasunak gainditu ondoren

Bizkaiko Golkoan zehar igaroko den Espainia eta Frantziaren arteko itsaspeko interkonexio elektrikoaren proiektua aurrera doa. Frantziako uretan, Capbreton-etik gertu, itsas hondoaren mugimenduak topatu eta gero, REE eta RTE sareek ikerketa gehigarriak burutu dituzte arroilaren inguruan beste ibilbide batzuk aurkitzeko, konponbide teknikorik egokiena erabaki nahian. Gaur egun, zenbait aukeraren bideragarritasuna aztertzen ari da, behin betiko konponbidea onartu baino lehen partaidetza publikoko tokiko prozesu bat antolatu ondoren. Une honetan, proiektuak bideratzeko bidea eta egutegia berrartuko ditu, hasiera batean aurreikusi ziren lanak jarraitzeko.

Gehiago irakurri

Bizkaiko Golkoan zehar igaroko den interkonexio elektrikoko proiektuari dagozkion itsasoko eta lurreko azterketak aurrera doaz

Aldi berean, Red Eléctrica de España ingurumenaren gaineko eragina aztertzeko ikerla-na eta Euskaditik lurperatuta igaroko den linearen ibilbideari dagozkion proiektu tek-nikoak egiteko bidean dago.
Lotura berriari esker, bi herrialdeen arteko energia elektrikoa trukatzeko gaitasuna handiagotuko da, eta Iberiar penintsularen mendekotasun energetikoa murriztu egin-go da.

Gehiago irakurri

Hornitzaileekin topaketa antolatu da Bruselan

Inelfek topaketa bat antolatu du Bruselan, HVDC kableen, estazio bihurtzaileen, itsaspeko kableen instalaziorako eta zulaketarako hornitzaileekin. Apirilaren 16tik 20ra ospatu zen, eta haren helburua Bizkaiko Golkoan barrena egingo den Espainia eta Frantziaren arteko interkonexio-proiektua azaltzea izan zen, baita hori egiteko formarik onena aurkitzeko informazioa trukatzea ere (teknologia, materialak, burutzeko prozesuak eta abar).

Gehiago irakurri

2018ko Hornitzaileen ekitaldia

HVDC kableak eta transformazio-estazioak Frantzia eta Espainia artean Bizkaiko Golkoan zehar egingo den interkonexio elektrikorako

Gehiago irakurri

Bizkaiko Golkoan zehar egingo den loturaren proiektua aurrera doa Capbreton-eko arroilan nagusitutako ezegonkortasunak gainditu ondoren

Bizkaiko Golkoan zehar igaroko den Espainia eta Frantziaren arteko itsaspeko interkonexio elektrikoaren proiektua aurrera doa. Frantziako uretan, Capbreton-etik gertu, itsas hondoaren mugimenduak topatu eta gero, REE eta RTE sareek ikerketa gehigarriak burutu dituzte arroilaren inguruan beste ibilbide batzuk aurkitzeko, konponbide teknikorik egokiena erabaki nahian. Gaur egun, zenbait aukeraren bideragarritasuna aztertzen ari da, behin betiko konponbidea onartu baino lehen partaidetza publikoko tokiko prozesu bat antolatu ondoren. Une honetan, proiektuak bideratzeko bidea eta egutegia berrartuko ditu, hasiera batean aurreikusi ziren lanak jarraitzeko. Gehiago irakurri

Bizkaiko Golkoan zehar igaroko den interkonexio elektrikoko proiektuari dagozkion itsasoko eta lurreko azterketak aurrera doaz

Aldi berean, Red Eléctrica de España ingurumenaren gaineko eragina aztertzeko ikerla-na eta Euskaditik lurperatuta igaroko den linearen ibilbideari dagozkion proiektu tek-nikoak egiteko bidean dago.
Lotura berriari esker, bi herrialdeen arteko energia elektrikoa trukatzeko gaitasuna handiagotuko da, eta Iberiar penintsularen mendekotasun energetikoa murriztu egin-go da. Gehiago irakurri

Hornitzaileekin topaketa antolatu da Bruselan

Inelfek topaketa bat antolatu du Bruselan, HVDC kableen, estazio bihurtzaileen, itsaspeko kableen instalaziorako eta zulaketarako hornitzaileekin. Apirilaren 16tik 20ra ospatu zen, eta haren helburua Bizkaiko Golkoan barrena egingo den Espainia eta Frantziaren arteko interkonexio-proiektua azaltzea izan zen, baita hori egiteko formarik onena aurkitzeko informazioa trukatzea ere (teknologia, materialak, burutzeko prozesuak eta abar). Gehiago irakurri

2018ko Hornitzaileen ekitaldia

HVDC kableak eta transformazio-estazioak Frantzia eta Espainia artean Bizkaiko Golkoan zehar egingo den interkonexio elektrikorako Gehiago irakurri

PRENTSA KONTAKTUA

Gabinetedeprensa@ree.es
rte-presse@rte-france.com

PRENTSA-GUNEA

  • Prentsa-oharrak
  • Bereizmen handiko irudiak
  • Marka liburua
  • Ikonografia

Prentsa-gunera joan

BIDEOAK

Bidalizkiguzu zure zalantzak

Idatzi hemen zure galdera. Aukeratu ondo galdera-mota; horrela, hobeto eta azkarrago erantzungo dizugu.


Igotzeko baldintzak

Galderak eta erantzunak

INERKONEXIOAREN ONUREI BURUZ

Interkonektatutako sare batek Energiaren Batasunaren xede bat lortzen lagunduko du: Europar Batasun osoan hazkundearekin eta enpleguarekin bateragarria den energia eskuragarria, segurua eta jasangarria dagoela bermatu, hain zuzen ere.

  • Hornikuntzaren ziurtasuna, batez ere kontsumoa handia denean
    Interkonektoreei esker, herrialde jakin batek, behar duenean, elektrizitatea inporta dezake beste herrialde batetik, besteak beste kontsumoa handia denean edo arazo teknikoren bat nagusitzen denean.
  • Energia berriztagarrien integrazio handiagoa
    Estatuetako sareak konektatuz, energia berriztagarriek Europan zehar zirkulatuko dute, eta Europako kontsumitzaileek eskuratu ahal izango dituzte.
  • Europan zehar zirkulatuko duen elektrizitaterik merkeena
    Interkonektoreei esker, Europan zehar zirkulatuko duen elektrizitaterik merkeena lortuko da, eta hori kontsumitzaileentzat onuragarria izango da.

Esteka informazio gehiago eskuratzeko

Europar Batasunak proiektuaren alde dago. Europar Batasuneko kideen arteko interkonexioak sustatzea Europar Batasunaren energia-politikaren oinarri bat da. Horiei esker, Europako kontsumitzaileek elektrizitate seguruagoa jasoko dute, salneurririk hoberenean. Horrez gain, interkonexioek energia berriztagarrien integrazioa areagotuko dute. Izan ere, Europar Batasunak Guztion Onurarako Proiektuen (PCI, ingelesez) laugarren zerrendan gehitu du proiektua1.

Espainia eta Frantziaren arteko interkonexio-ahalmena Europako herrialdeen artean txikienetako bat da, eta 2020. urterako zehaztu zen % 10eko interkonexio-jomuga baino askoz txikiagoa da.

1Laugarren PCI zerrenda Europar Batasunaren Aldizkari Ofizialean argitaratu zen, 2020ko martxoaren 11n.

Ez, dagoeneko eskuragai dauden lineen erabilera-tasa oso handia da, eta urteko ordu gehienetan beteta daude. Izan ere, azken hiru urteotan Espainia eta Frantziaren arteko muga elektrikoa orduen % 76a beteta egon da.

PROIEKTUARI BURUZ

Aukera hori hoberena da goi-tentsioko (400 kV) aireko linea elektriko berriak sortzen saihesten delako horri esker. Dagoeneko daukagun sarea gehiago ez sendotzeko aukera eskaintzen digu.

Zergatik erabaki da itsaspeko linea bat egitea Bizkaiko Golkoan zehar?.

Izan ere, linea guztiz lurperatuta egongo da, lurrean zein itsasoan eta, horrez gain, linearen zati gehiena lurretik urrun jarriko da. Linearen hasierako eta amaierako puntuak konponbiderik hoberena direla erabaki zen, goi-tentsioko (400 kV) aireko linea elektriko berriak sortzen saihesten delako interkonexio bera eratzeko baita ondoko 400 kV-ko sarerako ere.

Hobeto ulertzeko, adibidez, Frantzian mugatik gertuago dagoen 400 kV-ko konexio-puntua aukeratuko bagenu (Atlantikoko Pirinioak, Landak), goi-tentsioko aireko linea elektriko berria beharrezkoa izan beharko litzateke Cubnezais-era iristeko. Izan ere, dagoeneko ditugun 400 kV-ko aireko lineak ez dira nahikoak energia gehigarriko 2000 MW igortzeko.

Trazadura

Bai, jakina; proiektuaren informazio eta partaidetza publikoko fasea 2017ko irailean hasi egin zen, Europako betekizunei jarraituz. Izan ere, prozesua Europan zeharreko edozein energia-azpiegituraren hasierako plangintzaren fasean egin behar dela ezartzen du horrek (Guztion Onurarako Proiektuetara aplikatutako 347/2013 Erregelamendua). Fasea 2018ko martxoaren 15ean amaitu zen.

Hona hemen informazio gehiago eskuratzeko esteka

Herrialde bakoitzak bere kontsulta-prozesua dauka, herrialdeko arauen arabera.

Hona hemen Frantziako kontsulta publikoko prozesuari buruzko informazioa.

Hona hemen Espainiako kontsulta publikoko prozesuari buruzko informazioa.

RTE eta REE erakundeek ahalik eta gardentasunik handiena bermatzen dute, herrialde bakoitzeko eta Europako legeriekin bat etorriz. Horri buruz, administrazio publikoek, erakundeek eta gizabanakoek arrazoibideak aurkez ditzakete edozein momentutan, baldin eta horretarako baimena badago. Arrazoibide guztiak aztertu eta erantzungo dira, eta ikuspuntu teknikotik eta ingurumenaren ikuspuntutik bideragarri eta egokitzat hartzen diren kontu guztiak proiektura gehitu egingo dira.

Proiektuari lotutako beharrezko informazio osoa, harremanetan jartzeko xehetasun guztiak edo kontsulta publikoetan parte hartzeko bide guztiak barne, gure webgunean aurki daitezke, www.inelfe.eu; proiektuaren taldearekin harremanetan jartzeko zenbait modu ere bai.

PROIEKTUAREN FINANTZA-KONTUEI BURUZ

Aurreikusitako inbertsioa 1.750 milioi eurokoa da. Europar Batasunak 578 milioi euro emango dizkio proiektuari Connecting Europe Facility (CEF) programaren bidez; horietatik, 350 milioi Frantziari dagozkio, eta beste 228 milioi euro Espainiari dagozkio.

Espainiak diru-kopuru txikiagoa jasoko du proiektuak Frantziari baino onura gehiago ekarriko dizkiolako Espainiari, hau da, interkonexioaren onurak apur bat handiagoak izango dira Espainiako kontsumitzailearentzat.

Orain arte, hau da Europar Batasunak eskaini duen dirulaguntzarik oparoena guztion onurarako energia-proiektuen arloan.

RTE eta REE erakundeek inbertsioa berdin partekatuko dute: 875 milioi estatuko sarearen antolatzaile bakoitzeko.

Proiektua errentagarria da, Frantziako zein Espainiako arautzaileek ziurtatu dutenez. Ekar ditzakeen onurak kostua baino ugariagoak dira; izan ere, Europako sistema elektrikoa eraginkorragoa izango da, kostu txikiagoaren trukez.

Igorpen-sarea garatzeko ekintzen balorazio ekonomikoa kostuen eta onuren azterketarekin bat etorriz kalkulatu egin da. Horretarako, elektrizitate-sistemaren ikuspegi orokorra izan da kontuan eta, batez ere, azkeneko kontsumitzailearen ikuspegia.

Hori dela eta, igorpen-sarearen garapenak gizarterako ekar ditzakeen onurak kostuen eta onuren arteko proportzioa alderatuz, planak kontuan hartzen dituen egoerei lotuta, ebaluatuko dira, baita igorpen-sarearen esparruan ekintza bat edo zenbait ekintza burutzeak ekartzen dituen ondorioak eta garapenik ez burutzeak sor dezakeen egoera alderatuz ere.

Erabili egin den kostuen eta onuren metodologiaren oinarriak ENTSO-E sareak Europako Batzordeari aurkeztu zion dokumentuan jasotzen direnak dira, erregulazio berriaren garapenaren esparruan eta dagozkion prozeduren bidez.

Inbertsioaren zati bat elektrizitate-fakturatik aterako da, azpiegitura elektriko guztiekin gertatzen den bezala; beste zati bat Europako funtsetatik etorriko da. Lehen esan dugunez, proiektua errentagarria da eta onurak kostua baino ugariagoak dira; horri esker, sistema elektrikoak eraginkorragoak izango dira, eta energia merkeagoa errazago zirkulatzeko aukera emango du. Gaur inbertitu beharra dago etorkizunean energia garbiagoa izan dezagun.

OSASUN- ETA INGURUMEN-KONTUEI BURUZ

Proiektuan erabiliko den kableak babes bat darama eta, beraz, ez da eremu elektromagnetikorik sortuko. Horrez gain, Frantzia eta Espainiaren arteko linea elektrikoa korronte zuzena eramaten duen linea izango da. Horregatik, eremu magnetikoaren ondorioak oraindik arinagoak izango dira estatikoa delako (0 Hz), hau da, Lurraren eremu magnetikoak dituen ezaugarri berdinak eta antzeko ondorioak dituelako.

Hortaz, etorkizuneko linea Europako atari guztien azpian egongo da eremu elektromagnetikoari dagokionez.

Oso eragin txikiak nagusituko dira. Linea Bizkaiko Golkoaren itsasoaren hondoan zein ibilbidearen lurrean lurperatuko da eta, beraz, ez da ikus-eraginik egongo. Interkonexioaren hasieran eta amaieran egongo diren estazio bihurtzaileak baino ez dira ikusiko. Hori kontuan izanda, aipatutako estazio bihurtzaileak dagoeneko dauden 400 kV-ko elektrizitate-azpiestazioetatik gertu eraikiko dira, eta zenbait ikerketa egiten ari gara paisaiarekin integraziorik hoberena lor dezagun.

Ekonomiaren ikuspuntutik, INELFE erakundeak kontratista handien azpikontratatzeko beharrak asetzeko tokiko konpainiak lortzen laguntzen du, arauek onartzen duten neurrian.

Gizartearen ikuspuntutik, INELFE erakundeak kontratuetan klausula sozialak gehituko ditu denbora luzez lanaren bila dabiltzan langileak gizarteratzeko.

Gainera, INELFE erakundeak burututako proiektuak eragina izaten duten tokietara moldatzen dira, eta erakundeak dagozkion eskualdeak nabarmentzen laguntzen du kultura, kirolak eta ekitaldi publikoak sustatuz.

Izan ere, lehenengo linea elektrikoa eraikitzeak, Pirinioetan zehar, eragin onuragarria izan du: Frantziarentzako finantza-onura zuzenak (Languedoc Roussillon eskualdearen maila administratiboraino iritsi egin zirenak) 37,8 milioi eurotan balioztatu dira; tokiko 95 pertsonak lan egin zuten proiektuaren fase guztietan zehar, 3 eta 36 hilabete bitarteko iraupenaz, agintari publikoen parte-hartzeari esker; hornitzaile batek 8 pertsona kontratatu egin ditu kontratu iraunkorrarekin, eta RTE erakundeak beste bat kontratatu du.

UE

Argitalpen honetan egilearen iritziak soilik islatzen dira. Europako Batzordea ez da erantzule izango argitalpen honetako informazioari eman dakiokeen ezein erabilerari dagokiolarik.

© Inelfe (INterconexión ELéctrica Francia - España), INELFE SAS. Tour Initiale, 1 terrasse Bellini TSA 41 000. 92 919 Puteaux la Défense Cedex