Hasiera / Interkonexio elektrikoa Bizkaiko Golkotik

Interkonexio elektrikoa Bizkaiko Golkotik

5.000 MW arte igotzea

TRUKATZEKO AHALMENA

370 km-ko

LUZERA DUEN INTERKONEXIOA

4 kable

2 LOTURA BAKOITZEKO

2 x 1.000 MW

GARRAIO-AHALMENA

Gatika (Espainia) eta Cubnezais (Frantzia) arteko interkonexio elektrikoa Espainia eta Frantzia artean lehen interkonexioa izango da, nagusiki itsaspean egiten dena.

Proiektu honi esker, trukatzeko ahalmena 2.800 MW-tik 5.000 MW-ra pasako da, ondorioz, bi herrialdeen artean, bai eta Europako beste herrialdeekin ere, hornikuntza elektrikoaren segurtasuna, egonkortasuna eta kalitatea hobetuz.

FRANTZIA

Iconografía Iconografía

Cubnezais

Transformazio-estazioa
Iconografía Iconografía

80 km-ko

Korronte zuzeneko lurpeko lotura

 

Iconografía Iconografía

280 km-ko

Korronte zuzeneko itsaspeko lotura
Iconografía Iconografía

10 km-ko

Korronte zuzeneko aireko/ lurpeko lotura

ESPAINIA

Iconografía Iconografía

Gatika

Transformazio-estazioa

Parte-hartze publikoa

Estatu bakoitzak azpiegitura elektrikoen arloan ezarri dituen prozedura propioak jarraituz bideratu eta baimenduko du proiektua. Araudiaren arabera herrialde bakoitzean aurreikusten diren kontsultez gain, Interes Orokorreko Proiektu oro egiteko, Frantziak eta Espainiak informazio eta parte-hartze publikoa bermatu behar dituzte europar eskakizunekin bat eginez. Ekintza horiek modu desberdinetan egin daitezke baina, gutxienez, proiektuari eskainitako webgune bat diseinatu behar da, bilera publikoak egin behar dira eta iruzkinak jasotzeaz edota edozein galdera mota erantzuteaz arduratzen den erakunde bat sortu behar da. Horrela, biztanleek proiektua gauzatzeko modalitate teknikoak eta trazadurak definitzeko etapa desberdinetan parte hartu ahalko dute. Kontsulta eta informazio publikoko faseetan, hainbat trazadura proposatuko dira, egokiena ingurumen-inpaktu txikiena duena izango delarik.

Informazio hau soilik frantsesez dago eskuragarri. Mesedez, proiektuaren frantsesezko bertsioa kontsultatu.


Proiektuaren arduradunak

Etienne Serres
Responsable del proyecto en Francia

Marc Chambily
Responsable del proceso de concertación en Francia

Europako Batzordeak eta Parlamentuak, 2013ko urriaren 14an, proiektu hau «Interes Orokorreko Proiektu» izendatu zuten, 347/2013 Araudiaren baitan, Europako Batzordearen “Energy Infrastructure Package” egitasmoaren barruan. Halaber, proiektua ENTSO-E sarearen 2012ko uztaileko Europar Garraio Sarearen Garapenerako Hamar Urterako Planean sartzen da. Interes orokorreko proiektutzat jotzen denez, tramitazioak 347/2013 Araudia bete behar du, eta, horretarako, besteak beste, hasierako tramitazioaren etapan parte-hartze publikoko prozesu bat egin behar da.

Parte-hartze publikoan pertsonek, haien ikuspegiak, ezagutzak eta baliabideak eskainiz, erabakiak hartzeko prozesuan parte hartzen dute. Parte-hartze publikoa proiektuaren informazioa publikoki aurkeztera eta edozein elkarte, hiritar, eragile ekonomiko edo sozialek horren gainean egin ditzakeen ekarpenak jasotzera bideratuta dago.

Proiektuaren arduradunak

Juan Prieto
Proiektuaren arduraduna Espainian

Antonio Miranda
Hitzartze-prozesuaren arduraduna Espainian

Zalantzak dituzu? Jar zaitez gurekin harremanetan

Proiekturen gaineko informazio eskatu edo, besterik gabe, nahi dituzun galderak bidali ditzakezu

Proiektuaren liburuxka

Deskargatu proiektuaren gaineko xehetasun guztiak

Bizkaiko Golkoko proiektuaren liburuxka
Deskargatu 674.39 KB

Trazadura

Interkonexioa lau kablek osatzen dute, bi lotura bakoitzeko. Korronte zuzeneko itsaspeko eta lurpeko lotura bikoitz honek 370 kilometroko luzera izango du Cubnezaiseko azpiestazioaren (Bordeletik gertu) eta Gatikako azpiestazioaren (Bilbotik gertu) artean. Bi transformazio-estazio izango ditu, bat loturaren mutur bakoitzean, korronte zuzena korronte alterno bihurtzea ahalbidetuko dutenak, herrialde bakoitzeko elektrizitatea garraiatzeko sarera konektatzeko.

Itsaspeko lotura

Lotura Gatikako azpiestazio elektrikoarekin (Bilbo inguruan) eta Cubnezaiseko azpiestazioarekin (Bordeleren iparraldean) konektatuko da. Itsaspeko trazadurak 280 km inguruko luzera izango du, euskal kostaldetik Frantziako Médoc eskualdeko kostalderaino.
Hautatu den trazadurari eta kablea itsas hondoan jartzeko erabakiari esker, itsasoko erabileretan eta, bereziki, arrantzan aurreikus daitekeen inpaktua minimizatuko da.

Itsaspeko linea

Itsaspeko kablea

Kable bakoitza itsas hondoan ezarriko da kablea daraman ontzi baten laguntzarekin. Oro har, babes-neurri gisa, kableak lurperatu egingo dira, zorua gogorregia denean izan ezik; halakoetan, kableak estali egingo dira.

Aireko/lurpeko lotura

Interkonexioa, Bilboren ipar-ekialdean, euskal kostaldetik 10 km-ra dagoen Gatikako azpiestazioarekin konektatuta egongo da.

Horretarako, Gatika-Lemoizen lehendik dagoen azpiegitura erabiliko da, hau da, 400 kV-ko bi linea elektriko. Trazadura Gatikako azpiestaziotik hurbil eraikiko den transformazio-estaziotik abiatuko da, Bizkaiko golkoaren ingururaino.

Ingurumen Inpaktuaren Ebaluazio Prozedura espainiarrarekin bat etorriaz, dokumentua aurkezteko izapideari hasiera emango zaio. Laburpen-dokumentuak honako hauek identifikatu ditu: proiektuaren ezaugarriak eta kokapena, hautabide desberdinek transformazio-estazioan eta linean izan ditzaketen inpaktuen analisia, eta proiektuaren eraginen lurralde- eta ingurumen-diagnostikoa.

Lotura Bordeleren iparraldean dagoen Cubnezaiseko azpiestazio elektrikoarekin konektatuko da. Hala, lurpeko trazadurak ehun kilometro baino gutxiago izango ditu. Dordoina ibaiaren eskuineko itsasertzetik hasita, Dordoinaren eta Garonaren azpitik pasatuko da, Médoc eskualdea zeharkatuz, Akitaniako itsasertzera iritsiko da; betiere ingurumena eta giza jarduerak errespetatuz. Kostaldeko eskualde honetan, hainbat elementu integratu behar dira, tartean: ingurumen-sentsibilitatea, zein sarri bisitatzen diren hondartzak, gune urbanizatuak, kosta-lerroaren atzerapenarekiko sentsibilitatea, bai eta, itsasertzetik urruntzeko, lehendik dauden azpiegiturak erabiltzeko aukera ere. Lurreratze-puntu egokienak Médoc eskualdeko kostaldean daude.

Lurpeko kablea

Lurpeko kablea

Zanga: Zanga bakoitzean bi kable jarriko dira, bi zangen artean metro 1eko gutxieneko distantzia utzita. Lanak bukatutakoan, zangak estaldura baten bidez ezkutatuko dira.

Loturak: Lurpeko kableak, gutxi gorabehera, kilometro 1eko zatitan instalatuko dira lotura-ganberetan elkartuko dira. Itsaspeko kableak lurpekoekin konektatzeko antzeko gailu bat, zertxobait handiagoa, erabiliko da. Gailu horiek itsasertzetik urrun kokatuko dira eta, azkenean, guztiz ezkutatu kodira arte estalita egingo dira, ez baitira etengabe erabili behar.

 

Transformazio-estazioa

Loturak korronte alternoko bi sistema interkonektatuko ditu korronte zuzeneko itsaspeko linea baten bidez. Loturaren mutur bakoitzean, transformazio-estazioek korronte zuzena korronte alterno bihurtuko dute, Espainia eta Frantziako garraio-sareekin konektatzeko asmoz.

Transformazio-estazioek 5 hektarea inguruko hedadura dute eta 20 m-ko altuera, gutxi gorabehera.

Transformazio-estazioa

 

2017-2018
2017KO IRAILETIK 2018KO MARTXORA

Kontsultak

2018-2020
2018KO APIRILETIK 2020KO APIRILERA

Inpaktu-azterketa eta informazio publikoa

2020
APIRILETIK ABENDURA

Baimen teknikoak

2020 - 2024
2020KO EKAINETIK 2024KO URRIRA

Hornikuntza eta eraikuntza

2024 - 2025
2024KO URRITIK 2025EKO MAIATZERA

Proba eta abian jartzea

Hornitzaileekin topaketa antolatu da Bruselan

Inelfek topaketa bat antolatu du Bruselan, HVDC kableen, estazio bihurtzaileen, itsaspeko kableen instalaziorako eta zulaketarako hornitzaileekin. Apirilaren 16tik 20ra ospatu zen, eta haren helburua Bizkaiko Golkoan barrena egingo den Espainia eta Frantziaren arteko interkonexio-proiektua azaltzea izan zen, baita hori egiteko formarik onena aurkitzeko informazioa trukatzea ere (teknologia, materialak, burutzeko prozesuak eta abar).

Gehiago irakurri

2018ko Hornitzaileen ekitaldia

HVDC kableak eta transformazio-estazioak Frantzia eta Espainia artean Bizkaiko Golkoan zehar egingo den interkonexio elektrikorako Gehiago irakurri

PRENTSA KONTAKTUA

Gabinetedeprensa@ree.es
Stephen.marie@rte.france.com

PRENTSA-GUNEA

  • Prentsa-oharrak
  • Bereizmen handiko irudiak
  • Marka liburua
  • Ikonografia

Prentsa-gunera joan

BIDEOAK

Bidalizkiguzu zure zalantzak

Idatzi hemen zure galdera. Aukeratu ondo galdera-mota; horrela, hobeto eta azkarrago erantzungo dizugu.


Igotzeko baldintzak
UE

Argitalpen honetan egilearen iritziak soilik islatzen dira. Europako Batzordea ez da erantzule izango argitalpen honetako informazioari eman dakiokeen ezein erabilerari dagokiolarik.

© Inelfe (INterconexión ELéctrica Francia - España), INELFE SAS. Tour Initiale, 1 terrasse Bellini TSA 41 000. 92 919 Puteaux la Défense Cedex